Dúnıejúzilik densaýlyq saqtaý uıymynyń (DDSU) sarapshysy Marııa van Kerkhovtyń aıtýynsha, álem koronavırýs ınfeksııasynyń aýyr kezeńinen ótti, biraq COVID-19 taralýyna qatysty jaǵdaı áli de alańdatarlyq, dep habarlaıdy Egemen.kz.
DDSU koronavırýstyń áli de úlken kúsh-qýaty men áleýeti bar ekenin atap ótti. Kerkhovtyń sózinshe, vırýs juqtyrý sany azaıǵanymen, apta saıyn shamamen 4,5 mıllıon jańa jaǵdaı tirkeledi, al ólim sany aptasyna 68 myńǵa jetedi.
«Biz búkil álemdegi jaǵdaılarǵa qatysty vırýs juqtyrý shyńynan óttik (aýrý shyńynan keıingi kezeń - avtor.), biraq bul óte joǵary deńgeıde tur. Apta saıyn 4,4-4,5 mıllıon jaǵdaı anyqtalady jáne bul naqty jaǵdaılardyń sanynan az», delingen habarlamada.
Soltústik jáne Ońtústik Amerıkada COVID-19 juqtyrý men ólim sany óskeni baıqalady, al Eýropada jańa jaǵdaılar azaısa da, ólim deńgeıi tómender emes.