Búgin «Aýylyma kitap» aksııasy aıasynda «Rýhanı jańǵyrý» qazaqstandyq qoǵamdyq damý ınstıtýtynyń ókilderi Aqmola oblysy Selınograd aýdany ortalyq aýdandyq kitaphanasynyń qoryna qazaq, orys jáne aǵylshyn tilderinde 200-den astam ádebı-kórkem jáne balalarǵa arnalaǵan oqýlyqtardy tabystady, dep jazady Egemen.kz.
Memleket Basshysy Qasym-Jomart Toqaev Ulttyq qoǵamdyq senim keńesiniń IV otyrysy barysynda mektep oqýshylary arasynda Oqý saýattylyǵy deńgeıin arttyrý qajettigin atap ótken. Ol jerde mektepter men kitaphanalarǵa erekshe ról berilýi de ataldy. Sonymen qatar, aýyldyq jerlerdegi mektepterdiń kitap qorlarynyń qoljetimdiligi men sapasynyń deńgeıi qalalyq jáne respýblıkalyq mektepterden aıtarlyqtaı erekshelenetini de sóz bolǵan.
Osyǵan baılanysty, QR Aqparat jáne qoǵamdyq damý mınıstri Aıda Balaevanyń bastamasymen Qazaqstandaǵy Otbasy kúnine arnalǵan «Aýylyma kitap» respýblıkalyq qaıyrymdylyq aksııasy bastalǵan bolatyn. Osy aksııa sheńberinde oqý mádenıetin ilgeriletý maqsatynda tanymdyq ádebıetter men balalarǵa arnalǵan oqýlyqtar kitap qory jetkiliksiz aýyl mektepteri men kitaphanalaryna tabystalyp keledi.
Búgin Selınograd aýdanynyń ortalyq aýdandyq kitaphanasyna «Rýhanı jańǵyrý» baǵdarlamasy sheńberinde shyǵarylǵan jáne de mınıstr Aıda Ǵalymqyzynyń jeke kitaphanasynan, sondaı-aq «Dauletten qory» qaıyrymdylyq qory usynǵan kitaptar men oqýlyqtar tabystaldy. Atalmysh is-sharany Aqmola oblysy Selınograd aýdanynyń ákimi Ospanbekov Bahydbek Amantaıuly da qoldap, óz tarapynan aýyldyq bilim jaǵdaıyna jasalyp jatqan kómek úshin jyly lebizin bildirdi.
«Biz «Rýhanı jańǵyrý» qazaqstandyq qoǵamdyq damý ınstıtýtynan eki júzden astam kitap aldyq. О́te qyzyqty, balalar ádebıeti kóp. Olar aýdanymyzdyń 15 aýyldyq kitaphanasyna jetkiziletin bolady. Osyndaı aksııa úshin jáne aýyldyq kitaphanalarǵa kóńil bólgenińiz úshin alǵys aıtqym keledi», dedi Selınograd aýdanynyń mádenıet jáne tilderdi damytý bóliminiń ortalyqtandyrylǵan kitaphana júıesiniń dırektory Valentına Batrakova.
О́z kezeginde, «Rýhanı jańǵyrý» qazaqstandyq qoǵamdyq damý ınstıtýtynyń Basqarma Tóraǵasy Asylbek Esenbaev barlyq nıet bildirýshilerdi qaıyrymdylyq aksııasyna qosylýǵa jáne elimizdiń aýyl mektepteriniń kitaphanalary men kitap qoryn tolyqtyrýǵa shaqyrdy. Sonymen qatar, ol kitaphanalar tartylys ortalyǵyna aınalýy tıis ekenin de atap ótti.
«Keıde qoǵamda kitaphanalar ótkenniń rýdımenti, qaldyǵy degen túsinik aıtylady. Balalar men jasóspirimderdiń nazaryn aýdarý úshin kitaphanalar, eń aldymen, kitap alyp qana qoımaı, sóılesýge, tanysýǵa bolatyn qoǵamdyq ortalyqtar bolýy kerek. Mundaı tásilderdi damytý qajet», dep atap ótti Asylbek Esenbaev.