Bilim jáne ǵylym vıse-mınıstri Qýanysh Erǵalıevtiń tóraǵalyǵymen ótken ǵylymı keńestiń keńeıtilgen otyrysynda respýblıkalyq konkýrstyq komıssııanyń qorytyndylary jarııalandy, dep habarlaıdy Egemen.kz.
JOO baspasóz qyzmetiniń málimetinshe, respýblıkalyq konkýrstyq komıssııanyń sheshimimen dırektorlar keńesiniń keńesimen Sadyqov Erkin Toqmuhameduly «Toraıǵyrov ýnıversıteti» kommersııalyq emes aksıonerlik qoǵamynyń rektory - basqarma tóraǵasy laýazymyna usynyldy.
QR Bilim jáne ǵylym mınıstriniń tamyzyndaǵy buıryǵymen Sadyqov Erkin Toqmuhameduly «Toraıǵyrov ýnıversıteti» kommersııalyq emes aksıonerlik qoǵamynyń rektory - basqarma tóraǵasy bolyp taǵaıyndaldy.
Erkin Toqmuhameduly - S.M. Kırov atyndaǵy Qazaq memlekettik ýnıversıtetiniń túlegi. Ekonomıka ǵylymdarynyń doktory, professor.
Eńbek jolyn 1981 jyly QazMÝ saıası ekonomıka kafedrasynyń assıstenti bolýdan bastady jáne sol oqý ornyndaǵy pedagogıkalyq qyzmetin 1994 jylǵa deıin jalǵastyrdy.
Erkin Toqmuhameduly memlekettik qyzmette túrli laýazymda eńbek etti. Onyń ishinde shet memleketterde jumys istedi. 2000 jyldardan bastap «Shaǵyn kásipkerlikti damytý qory» AQ Basqarma basshysynyń orynbasary qyzmetin atqardy. Memlekettik qyzmetpen qatar ǵylymı qyzmetin «Turan» ýnıversıteti ulttyq jáne álem ekonomıka kafedrasynda qatar alyp júrdi. 2014 jyly Abaı atyndaǵy QAZUPÝ baqylaý keńesiniń múshesi boldy.
Erkin Toqmuhameduly 2016 jyly Qazaqstan Respýblıkasy Premer-Mınıstriniń keńesshisi bolyp taǵaıyndaldy.
2017 jyldan beri QR Bilim jáne ǵylym mınıstri ǵylym komıteti tóraǵasynyń orynbasary qyzmetinde.
2020 jyldyń mamyr aıynan beri QR BjǴM «Bolon úrdisi jáne akademııalyq mobıldilik ortalyǵy» dırektory qyzmetin atqardy.