Týrıstik mınıavtobýs Fethıe kýrortyna barar jolda apatqa ushyrady. Bir adam qaıtys boldy, taǵy toǵyz týrıst ártúrli dárejede jaraqat aldy. Apattyń mán-jaıyn jergilikti BAQ jazdy, dep habarlaıdy Egemen.kz.
Apat keshe keshke Kúchúkly aýdanynda Korkýtelı (Antalııa provınsııasy) – Fethıe (Mýgla provınsııasy) tas jolynda boldy. Týrıster otyrǵan avtobýs Antalııadan Fethıe baǵytymen kele jatqan. Júrgizýshi kólikti aıdaı almaı, jol shetine shyǵyp, aýdarylǵan. Saldarynan júrgizýshi áıel kóz jumyp, 8 týrıst jaraqat aldy. Zardap shekkenderdiń ishinde Lıvııanyń tórt azamaty jáne Túrkııanyń tórt azamaty bar.
Apattan keıin oqıǵa ornyna medısınalyq qutqarý brıgadalary jiberildi. TJM málimetinshe, zardap shekkender aýrýhanalarǵa jetkizildi. Olardyń jaraqaty ómirine qaýipti emes ekeni belgili boldy. Oqıǵanyń mán-jaıyn anyqtaý úshin tergeý júrip jatyr.