Tanymal arheolog Andreı Astafev 200 jyl buryn Kaspıı teńizinde bolǵan kemeniń bekitý burandalary men shegelerin tapty, dep habarlaıdy Egemen.kz Mańǵystaý oblysynyń ákimdigine silteme jasap.
«Tarıhı jádiger Túpqaraǵan aýdanyna qarasty «Túlkili saı» jerindegi teńiz jaǵalaýynda kómilip jatqan», dep jazady Mańǵystaý oblysy ákiminiń baspasóz qyzmeti.
Arheologtyń málimetinshe, keme HVIII ǵasyrdyń sońynda Kaspıı teńizinde apatqa ushyraǵan. Sý quralynyń aǵash shantaǵyn sý shaıyp ketkenimen, temir buıymdar teńiz túbinde shógip qala bergen. Jyldar óte kele, teńiz deńgeıi ózgerip, jádiger qurlyqta bolǵan.
Andreı Astafev bul oljany Ábish Kekilbaıuly atyndaǵy oblystyq tarıhı-ólketaný mýzeıiniń qoryna tapsyrdy.
Bul arheologtyń murajaıǵa bergen jalǵyz syıy emes.
«Qaraqabaq qalashyǵyna arheologııalyq qazba jumystaryn júrgizý kezinde úńgirge tap bolyp, onyń ishinen kendir arqan men arqanǵa baılanǵan ilmekter tapqan. Kemege qatysty zattar ekeni kórinip tur. Keme bir ǵasyr buryn ázirlense de, qurǵaq jerde jatqandyqtan jaqsy saqtalǵan», deıdi baspasóz qyzmeti.