Shymkent qalasynda nysana kózdeýden Azııa birinshiligi bastaldy. Alǵashqy jarys kúninde Qazaqstan komandasy bir altyn, bir kúmis júlde ıegeri atandy, dep habarlaıdy Egemen.kz.
Eresekter arasynda 10 metrge pnevmatıkalyq tapanshamen atý jattyǵýynda 235.1 upaıdy enshilegen qazaqstandyq Eldar Imanqulov jeńiske jetti. Ekinshi oryndy Saýd Arabııasynyń ókili Sofar Mohammmad Aldosarı ıelense, taılandtyq Noppadon Sýtvırýh úshinshi orynda turaqtady.
Jastar arasynda tapanshamen 10 metrge nysana kózdeýden taǵy bir qazaqstandyq Iаroslav Mahnev kúmis júldege ıe boldy. Bul básekede altyn júldeni ózbekstandyq Ýmıdbek Kamalbekov, qolany taǵy bir ózbek mergeni Muhammad Kamalov enshiledi. Al jasóspirim arasynda ózbekstandyq Ilhombek Obıdjonov jeńimpaz atandy.
Alǵashqy kúnniń qorytyndysy boıynsha Qazaqstan quramasy ázirge 1 altyn men 1 kúmis júlde ıelendi.
Aıta ketsek, nysana kózdeýden Azııa chempıonaty osymen 14-shi ret uıymdastyrylyp otyr. Qurlyq dodasy 20 qyrkúıekke deıin jalǵasady.