Almaty ákiminiń orynbasary Muhıt Ázirbaev Qoǵamdyq keńes otyrysynda jyl sońyna deıin 2,6 mln sharshy metr turǵyn úı paıdalanýǵa beriletinin málimdedi, dep habarlaıdy Egemen.kz.
Muhıt Ázirbaev jyl sońyna deıin 2,6 mln sharshy metrden astam turǵyn úı, onyń ishinde «Nurly Jer» memlekettik baǵdarlamasy aıasynda 248 myńnan astam qoljetimdi turǵyn úı paıdalanýǵa beriletini týraly aıtty.
«Memlekettik baǵdarlama boıynsha turǵyn úıler qalanyń jańa, perspektıvaly aýdandarynda salynýda, onda qala turǵyndarynyń jaıly turýy úshin qajetti jaǵdaılar jasalady. Eń aldymen mektepter, balabaqshalar, barlyq jerde irgeles aýmaq abattandyrylady, sondaı-aq medısınalyq uıymdar salynady. Jaıly qalalyq orta basqarmasynyń qurylys portfelinde 60 áleýmettik nysan bar, onyń 38 - i osy jyly aıaqtalsa, 22 - si kelesi jyly aıaqtalady. «Jańa Almaty» keshendi jospary aıasynda Tomırıs, Saıaly, Qalqaman-2, Darhan, Mádenıet, Qaırat, Nurkent yqsham aýdandarynda 12 600 oryndyq segiz mektep salynýda, olardyń úsheýi jyl boıy paıdalanýǵa beriledi», dedi ákim orynbasary.