«Jezqazǵan – Sátbaev» tas jolynda jeńil kólik júrgizýshisi jaıaý júrginshiler ótkelinde egde áıeldi qaǵyp, oqıǵa ornynan qashyp ketken. Kóp uzamaı polısııa qyzmetkerleri 21 jastaǵy kólik ıesin ustady, dep habarlaıdy Egemen.kz.
Kólik oqıǵasy 12 qyrkúıekte Jezqazǵan qalasynda bolǵan. Oqıǵa saldarynan zeınetker Jezqazǵan qalasynyń medısınalyq mekemesinde kóz jumdy. Oqıǵa ornyna jedel-tergeý toby keldi.
Kýágerler júrgizýshi qara tústi VAZ-21099 avtokóliginde bolǵanyn aıtty. «Jedel-izdestirý is-sharalary barysynda 21 jastaǵy er adam kúdikti retinde ustaldy. Ol kinásin tolyq moıyndady. Ustalǵan azamattyń avtokóligi tárkilendi.
QR QK-niń 345-baby «Jol qozǵalysy erejelerin buzý» jáne QR QK-niń 347-baby «Jol-kólik oqıǵasy bolǵan jerden ketý» boıynsha qylmystyq is qozǵaldy. Tergeý amaldary júrgizilýde. Kúdikti ÝUI-na ornalastyryldy», dep habarlady Qaraǵandy oblysynyń PD.