Atalǵan joba aıasynda 2019 jyly 300 jas azamat iriktep alynyp, sonyń ishinde 186 maman ártúrli deńgeıdegi memlekettik laýazym boıynsha qyzmetke ornalasty, dep jazady Egemen.kz Prezıdenttiń Baspasóz hatshysy Berik Ýálıge silteme jasap.
«Memleket basshysy alǵashqy tájirıbeniń tıimdi jaqtaryn eskere otyryp, jas kadrlar rezervine qatysty bastamany jalǵastyrý týraly sheshim qabyldaǵany belgili.
Osy oraıda, jobaǵa qatysýǵa qujat qabyldaý júrip jatqanyn aıta ketý kerek. Jobaǵa 35 jastan aspaǵan, joǵary bilimdi jáne 5 jyl eńbek ótili bar, memlekettik tildi meńgergen árbir jas azamat qatysa alady.
Irikteý qorytyndysy boıynsha bıyl 50 adam Prezıdenttik jastar kadr rezervine alynady.
Barlyq aqparatpen Pkrezerv.gov.kz saıtynan tanysýǵa bolady.
El erteńi úshin qyzmet etem degen jastardy osy jobaǵa qatysýǵa shaqyramyz!», dep jazdy Berik Ýálı feısbýkte.