Qazaqstannyń batyl qadamyn atap ótti

Forým Nursultan Nazarbaev Qory, Qazaqstannyń Londondaǵy elshiligi, Youth Fusion jastar uıymynyń Iаdrolyq qarýdy ta­ratpaý jáne joıý jónindegi parlamentshileri (PNND) birlesip uıymdastyrǵan shara «gıbrıdti túrde» ótti. Bul onyń jumysyna qatysýshylardyń sanyn shektemeýge múmkindik berdi.

Qazirgi úrdister men bolyp jatqan shynaı ahýaldy es­kere otyryp, talqylaý ıadro­lyq qaterler men jahandyq klı­mat­tyq ózgerister problemasy ara­syn­daǵy baılanys máselesine ar­naldy.

Qazaqstan Premer-Mı­nıs­tri­niń orynbasary – Syrtqy is­ter mı­nıstri M.Tileýberdi, Nur­sul­tan Nazarbaev Qory atqarý­shy dırektorynyń orynbasary A.Marǵulanuly, sondaı-aq Iаdro­lyq synaqtarǵa jappaı tyıym salý týraly sharttyń atqarýshy dı­rektory Robert Floıd qaty­sý­shylardy beıneúndeý arqyly quttyqtady.

Is-sharaǵa Ulybrıtanııa, Fran­sııa jáne basqa elderdiń par­lament músheleri belsendi qatysty. Forýmǵa belsendi qaty­sý­shylardyń arasynda Uly­brıtanııanyń eńbek partııasynyń bu­rynǵy jetekshisi Djeremı Korbın boldy.

Joǵary qatysýshylar ja­han­dyq ıadrolyq qarýsyzdanýdy ilgeriletýdegi Qazaqstan Res­pýb­lıkasynyń Tuńǵysh Prezıdenti – Elbasy Nursultan Nazarbaevtyń tarıhı mıssııasy men rólin erekshe atap ótti.

Konferensııaǵa qatysýshylar Semeı ıadrolyq polıgonynda 1949-1991 jyldar aralyǵynda júr­gizilgen synaqtar ol jabyl­ǵannan keıin de Qazaqstannyń ekojúıesine eleýli zııan keltirip jatqanyn aıtty.

Talqylaý barysynda bizdiń zamanymyzdyń eń ótkir eki ja­han­dyq problemasy aıtyldy. Olar: klımattyń ózgerýi men ıadro­lyq soǵys qaýpi – adamzattyń ómir súrýi men ál-aýqatyna ekzısten­sıal­dy qater tóndiretini, bir-biri­ne qaýipti túrde áser etetindigi baıan­daldy.

Konferensııaǵa 60-qa jýyq delegat tikeleı qatysty, al on­laın baılanys arqyly qatys­qan­dardyń sany 400-ge jýyq.