Elordada Qazaqstan Respýblıkasy Táýelsizdiginiń 30 jyldyǵyna arnalǵan strıtboldan «Nur-Sultan CUP» týrnıriniń fınal oıyndary men marapattaý rásimi ótti, dep habarlaıdy Egemen.kz qala ákimdiginiń resmı saıtyna silteme jasap.
Strıtbol jarysynyń birinshi kezeńi osy jyldyń 19 maýsymynda Almaty aýdanyndaǵy Prezıdenttik saıabaqta bastalǵan bolatyn. Birinshilik oıyndary tek demalys kúnderi, Nur-Sultan qalasynyń 4 aýdanynda belgilengen ýaqytta «Ashyq» qosymshasyn paıdalaný arqyly ótti.
Oıynǵa uldar men qyzdardan quralǵan 110 komanda qatysty. Tórt oıynshydan turatyn komandalar U-16, U-18 eki sanatynda jarysty.
Is-shara sońynda jeńimpazdar medaldarmen, dıplomdarmen, kýboktarmen jáne arnaıy strıtbol formalarymen marapattaldy.