Áıelder tennıs qaýymdastyǵy (WTA) reıtınginiń jeke jáne juptyq razrıadtaǵy jańartylǵan nusqasy jarııalandy, dep habarlaıdy Egemen.kz Sports.kz-ke silteme jasap.
Eń myqtylar úshtigi ózgerissiz qaldy: avstralııalyq Eshlı Bartı kósh bastap, onyń artynda belorýssııalyq Arına Sobolenko men cheh sportshysy Karolına Plıshkova tur.
Qazaqstannyń birinshi raketkasy Elena Rybakına 17-shi orynnan 16-shy orynǵa kóterilip, jeke rekordyn jańartty.
Iýlııa Pýtınseva bes joldan aıyrylyp, 49-shy atandy. Al Zarına Dııas jeti belgige túsip, 112-shi orynda turaqtady.
Juptyq razrıadtyń kóshbasshysy Belgııadan kelgen Elıza Mertens boldy, odan keıin Chehııa ókili Barbora Kreıchıkova men Katerına Sınıakova. Anna Danılına 88-den 86-ǵa kóterilse, Rybakına 96-shy, Dııas 181-shi boldy.