Aldyn ala málimetter boıynsha, qazirgi Premer-Mınıstr Djastın Trıýdo basqaratyn Lıberaldyq partııa Kanadada merziminen buryn ótken parlamenttik saılaýda jeńiske jetti, dep habarlaıdy Egemen.kz.
Qazirgi málimet boıynsha Trıýdo partııasy 32,2% jınap, 338 saılaý okrýginiń 158-de jeńiske jetken.
Trıýdo kanadalyqtarǵa qoldaý kórsetkeni úshin alǵys aıtyp úlgerdi.
«Rahmet, Kanada! Lıberaldy komandaǵa senim artyp, jarqyn bolashaqty tańdaǵanyńyz úshin bárińizge rahmet. Biz COVID-pen kúresti aıaqtaımyz. Biz Kanadany alǵa jyljytamyz», dep jazdy ol tvıtterde.
Kanadadaǵy Qaýymdar palatasy 338 músheden turady, olardyń árqaısysy bir-bir okrýgtiń atynan saılanady. Depýtattar tórt jylǵa (nemese odan da az) saılanatyn bolady.
Aıta keteıik, Trıýdo 2015 jyldan beri Kanada premer-mınıstri qyzmetin atqaryp keledi.