Dástúrli Kazakhstan Growth Forum-da jyldyń úzdik basshylary men úzdik kompanııalaryn marapattaý rásimi ótti, dep habarlaıdy Egemen.kz.
Kaspi.kz-niń basshysy jáne negizin qalaýshy Mıhaıl Lomtadze taǵy da «Jyldyń úzdik CEO» atandy. Mıhaıl «Innovasııalyq damý úshin» marapatqa ıe boldy.
London qor bırjasyndaǵy Kaspi.kz-niń sátti IPO-sy «Jyldyń úzdik mámilesi» dep tanyldy.
Al «Jyldyń transformatory» ataǵy Kaspi.kz-ke klıentterdiń jańa tájirıbesin jasaǵany úshin berildi.
Kaspi.kz-tiń basshysy jáne negizin qalaýshy Mıhaıl Lomtadze bul týraly bylaı pikir bildirdi:
«Bul sheshim úshin qazylar alqasyna rahmet. Búkil Kaspi.kz komandasynan bizdiń qyzmetterdi paıdalanǵany úshin jáne bizdi únemi aldyǵa umtylý men jańashyldyqqa shabyttandyrǵany úshin árbir súıikti klıentimizge rahmet. Biz óz tarapymyzdan qazaqstandyqtardyń ómirin jaqsartatyn ınnovasııalyq qyzmettermen tańqaldyrýdy jalǵastyramyz dep ýáde beremiz. Jáne birge búkil álemge Qazaqstanda ınnovasııalyq tehnologııalyq kompanııalardy quryp, tabysty damytýǵa bolatynyn kórsetemiz», - dedi Mıhaıl Lomtadze marapattaý rásiminde.
Jyl saıyn úzdik menedjerler men kompanııalardy Kazakhstan Growth Forum-nyń sarapshylar keńesi anyqtaıdy. Bıyl onyń quramyna Oraz Jandosov (Ekonomıster qaýymdastyǵy), Sáken Jumashev (KPMG), Elena Bahmýtova (AFK), Eldar Abdrazakov (Kazakhstan Growth Forum), Alına Aldambergen (KASE), Ekaterına Bendjamın (IFC), Erlan Dosymbekov (EY), Erjan Dosymbekov (Grant Thornton), Andreı Beklemıshev (IDC) syndy bedeldi sarapshylar kirdi.
Jeńimpazdar ekonomıkanyń ár salasynan usynylǵan 500 qazaqstandyq kompanııanyń ishinen tańdaldy. Basqarýshylar men kompanııalardyń jumysyn qazylar alqasy bes krıterıı boıynsha baǵalady: Perfomance (naryqtyń oń dınamıkasy), Corporate Governance (qyzmettiń ashyqtyǵy), Innovations (serpindi bastamalar men ónimder), Corporate Culture&Talent Management (korporatıvtik mádenıet pen talantty damytý), Impact (áleýmettik úles).
Buǵan deıin Kaspi.kz basshysy men teń quryltaıshysy Mıhaıl Lomtadze PricewaterhouseCoopers (PwC) jetekshi halyqaralyq konsaltıngtik kompanııasy jyl saıyn júrgizetin CEO Survey saýalnamasynyń nátıjesi boıynsha birneshe ret Qazaqstandaǵy úzdik kompanııa basshysy bolyp tanylǵan.