Perm memlekettik ulttyq zertteý ýnıversıtetinde atys uıymdastyrǵan stýdent Tımýr Bekmansýrov asa aýyr halde, dep habarlaıdy Egemen.kz.
Jigit esin jımaǵan, onyń jaǵdaıy óte aýyr dep baǵalanyp otyr.
Baza Telegram arnasy Bekmansýrov reanımasııadan qarapaıym palataǵa aýystyrylǵanyn aıtady.
«Dárigerlerdiń pikirinshe, onyń ómirine eshqandaı qaýip tónip turǵan joq. Tımýr áli kúnge deıin esin jımaǵan, ol jasandy ókpe jeldetý apparatyna qosylǵan», delingen habarlamada.
Bekmansurov kóp aýyr jaraqat alǵandyqtan búırek jetkiliksizdigine ushyraýy múmkin ekendigi aıtylýda.
Eske salaıyq, buǵan deıin Reseıdiń Perm qalasyndaǵy joǵary oqý ornynda atys bolǵany habarlanǵan edi. Oqıǵa vıdeosy REN-TV Telegram-arnasynda jarııalandy. Kýágerlerdiń aıtýynsha, stýdentter ǵımarat terezesinen sekirgen. Sondaı-aq vıdeo kadrlarynan atys estiledi. Keıin atys saldarynan 8 adam qaza tapqany habarlanǵan bolatyn.
Qylmystyq is «Adam óltirý» baby boıynsha tergeledi. Perm ýnıversıtetinde atys shyǵarǵan adamdy ustaý sátiniń vıdeosy jelide jarııalandy.