Jambyl oblysynyń Sarysý aýdanynda kalsıılengen soda óndiretin zaýyttyń tasyn ornatýdyń saltanatty rásimi ótti, dep habarlaıdy Egemen.kz «KAZAKH INVEST» Ulttyq kompanııasyna silteme jasap.
Jobany «KAZAKH INVEST» UK» AQ qoldaýymen Yildirim Holding túrik kompanııasy júzege asyrady. Saltanatty sharaǵa QR Indýstrııa jáne ınfraqurylymdyq damý mınıstri Beıbit Atamqulov, Jambyl oblysynyń ákimi Berdibek Saparbaev, QR Túrkııadaǵy Elshisi Azbal Saparbekuly, «Yildirim Holding» Prezıdenti Iýksel Iyldyrym qatysty.
Jobany iske asyrý aıasynda Qazaqstan ekonomıkasyna salynǵan ınvestısııalardyń jalpy kólemi shamamen $400 mln quraıdy, kásiporynda 350-ge jýyq jumys orny ashylady dep kútilýde. Jergilikti kadrlardyń biliktiligin arttyrý maqsatynda ınvestorlar mamandardy oqytýdy uıymdastyrýǵa nıetti.
«Jobanyń negizgi básekelestik artyqshylyǵy - tuzdy tikeleı qaıta óńdeý kásipornyna qubyrlar arqyly jiberý múmkindiginde, bul dástúrli kásiporyndardaǵy birneshe óndiristik sıkldardy boldyrmaıdy», dep atap ótti «KAZAKH INVEST» UK» AQ jobalyq menedjeri Dılıara Tektıgýlova.
Jobanyń jalpy qýaty jylyna 500 myń tonna ónimdi quraıdy, bul kórsetkishti birtindep 1 mln-ǵa deıin ulǵaıtý múmkindigi bar.
Investorlardyń aıtýynsha, jobany iske asyrý barysynda álemde balamasy joq, ınvestor patenttegen nóldik qaldyqtar tehnologııasy paıdalanylatyn bolady. Bul dástúrli uqsas kásiporyndarmen salystyrǵanda túpkilikti ónimniń ózindik qunyn aıtarlyqtaı tómendetýge múmkindik beredi.
Rásim barysynda Indýstrııa jáne ınfraqurylymdyq damý mınıstri Beıbit Atamqulov bul zaýyt eldegi kalsıılengen soda óndirisi boıynsha alǵashqy zaýyt bolatynyn atap ótti. Búgingi tańda Qazaqstan atalǵan ónimdi Reseı men О́zbekstannan ımporttaıdy.
QR Túrkııadaǵy Elshisi Abzal Saparbekuly QR SIM, KAZAKH INVEST jáne basqa da memlekettik organdardyń úılesimdi jumysynyń, sondaı-aq jergilikti ákimshiliktiń naqty baqylaýynyń arqasynda joba jan-jaqty qoldaý tapqanyn atap ótti. Ol sondaı-aq bul joba tek óńir úshin ǵana emes, búkil el úshin strategııalyq mańyzdy bolyp tabylatynyn atap ótti.
Joba kalsıılengen soda ımportyn tolyǵymen almastyrýǵa múmkindik beredi. Zaýyt iske qosylǵan kezde ishki naryqtyń qajettilikteri tolyǵymen qanaǵattandyrylady. Sondaı-aq, ónimniń 30%-y eksportqa shyǵarylady. Bolashaqta jańa óndiris úlesine TMD jáne Baltyq elderi naryǵynyń shamamen 22%-y tıesili bolady dep josparlanýda.