Bishkekte Qyrǵyz Respýblıkasy táýelsizdiginiń 30 jyldyǵy men aqyn Togolok Moldonyń 160 jyldyǵyna arnalǵan VI halyqaralyq epostyq festıval bastaldy, dep habarlaıdy Egemen.kz.
Festıval ulttyń ózin-ózi tanýyn nyǵaıtý jáne epıkalyq murany jahandyq deńgeıde nasıhattaý maqsatynda uıymdastyrylǵan.
Mınıstrler kabıneti tóraǵasynyń orynbasary Jyldyz Bakashova «Álemdik mádenıettegi «Manas» eposy: ǵylym, óner, ádebıet» dóńgelek ústelinde quttyqtaý sóz sóıledi.
«Jahandaný tolqyny kóptegen qundylyqty taptap, keı ulttardyń joıylýyna qaýip tóndirse de, qazirgi urpaqtyń abyroıly mindetteriniń biri - ulttyq biregeılikti saqtaý», dedi J. Bakashova.
Festıval 25 qyrkúıekke deıin jalǵasady. Arnaı konsert qoıylyp, ulttyq oıyndar ótkiziledi. Sharaǵa álemniń 20-dan astam eliniń ókilderi qatysýda.
Aıta keteıik, erekshe murany saqtaýdyń ınnovasııalyq ádisteriniń biri retinde 2006 jyly álemdik epostardyń birinshi halyqaralyq festıvali ótkizilgen.