«Barys» hokkeı klýby Ivan Skobrevpen eńbek kelisiminiń jasalǵany týraly habarlady, dep jazady Egemen.kz.
Klýbtyń baspasóz qyzmeti málim etkendeı, eki jaqty kelisim 2022 jyldyń 30 sáýirine deıin bir maýsymǵa eseptelgen.
«Ol dene shynyqtyrý daıarlyǵy boıynsha jattyqtyrýshy qyzmetin atqarady», delingen habarlamada.
Ivan Skobrev Olımpıada oıyndarynyń eki dúrkin júldegeri, konkımen júgirý sporty boıynsha Álem jáne Eýropa chempıony. Sońǵy tórt maýsymda maman Máskeýdiń «Dınamo» jattyqtyrýshylar shtabynda jumys istegen.
Skobrev óziniń Instagram-daǵy paraqshasynda jaqsy jańalyqpen bólisti.
«Jańa el, jańa qala, bárine tanys komanda jáne súıikti oıyn!!!», dep jazdy sportshy.