Jyl basynan beri Qazaqstan men Saýd Arabııasy Koroldiginiń ózara saýdasy úshten birge artyp, shamamen daǵdarysqa deıingi kólemge jetken, dep jazady Egemen.kz Saýda jáne ıntegrasııa mınıstrligine silteme jasap.
2019 jyly taýar aınalymy - 8,6 mln AQSh dollar, 2020 jyly 4,2 mln AQSh dollar boldy. Al 2021 jylǵy qańtar-shildede ózara saýda 4,0 mln dollardy qurady, bul ótken jyldyń uqsas kezeńimen salystyrǵanda 36,5%-ǵa joǵary (3,0 mln. AQSh doll).
Bul rette Qazaqstannyń Saýd Arabııasyna eksporty 2021 jylǵy qańtar-shildede 2,3 esege ósip, 1,6 mln AQSh dollaryn qurady.
Qazaqstan SAK naryǵyna ferroqorytpa, jeńil ónerkásip ónimderi (erler, áıelder jáne balalar toqyma jáne trıkotaj kıimderi), qubyrjoldarǵa arnalǵan armatýra, qara metaldan jasalǵan buıym, geodezııalyq jáne topografııalyq aspap pen qural jáne t.b. jetkizedi. Al ımport retinde suıyqtyqtardy nemese untaqtardy shashýǵa nemese tozańdatýǵa arnalǵan mehanıkalyq qurylǵylardy, jańa pisken jáne keptirilgen jemisterdi (qurma, injir, ananas, avokado, gýaııava, mango), dárilik zattardy, etılen polımerlerin jáne t.b. alady.
Qazaqstan-Saýd Arabııasy Úkimetaralyq komıssııasynyń 5-shi otyrysynda ózara saýdany keńeıtýdiń eleýli áleýeti atap ótildi. Oǵan Qazaqstan tarapynan teń tóraǵa QR Saýda jáne ıntegrasııa mınıstri Baqyt Sultanov, Saýd tarapynan SAK Investısııalar mınıstri Halıd Abdýlazız ál-Falıh qatysty.
«Saýda-ekonomıka jáne ınvestısııa salalarynda yntymaqtastyq úshin ashylmaǵan úlken áleýet bar. Bizge neǵurlym perspektıvaly baǵyttar: aýyl sharýashylyǵy, energetıka, munaı-hımııa, atom ónerkásibi, týrızm jáne ınvestısııalar boıynsha ózara is-qımyldy kúsheıtý qajet», dep málimdedi Baqyt Sultanov jıynda.