Bul týraly Úkimettegi onlaın baspasóz máslıhatynda Premer-Mınıstrdiń orynbasary Eraly Toǵajanov aıtty, dep jazady Egemen.kz.
«Memleket basshysy óziniń Joldaýynda áleýmettik salaǵa, ony damytýǵa qatysty birqatar júıeli mindetterdi naqtylap, belgilep bergen edi. Atap aıtqanda, bilim jáne ǵylym salasy boıynsha birinshi mindet - 1 myń jańa mektep qurylysy. Táýelsizdik jyldary elimizde 1900-ge jýyq jańa mektep salyndy. Alaıda demografııalyq ósý qarqynyna baılanysty mektepter tapshylyǵy áli de bar. Eger de búginde oryn tapshylyǵy 260 myń bolsa, 2025 jylǵa deıin ol shamamen 4 esege deıin ulǵaıýy múmkin», dedi E. Toǵjanov.
Onyń aıtýynsha, bıyl keminde 200-den asa jańa mektep salynady. Nátıjesinde, 2025 jylǵa qaraı oryn tapshylyǵyn, sondaı-aq apatty jáne úsh aýysymdy mektepter máselesi tolyqtaı sheshilýi tıis.