30 qyrkúıekte Qazaqstan Prezıdenti Qasym-Jomart Toqaev pen Reseı Prezıdenti Vladımır Pýtın Kókshetaý qalasynda onlaın-formatta ótetin eki el arasyndaǵy XVII óńiraralyq yntymaqtastyq forýmyna qatysady. Bul týraly Memleket basshysynyń baspasóz hatshysy Berik Ýálı habarlady, dep jazaldy Egemen.kz.
Forým aıasynda memleket basshylarynyń onlaın-formattaǵy kezdesýi josparlanǵan. Onda Qazaqstan men Reseı arasyndaǵy strategııalyq seriktestiktiń basym baǵyttary talqylanbaq.
Forým bıyl «Ekologııa jáne «jasyl ekonomıkalyq» ósim salalaryndaǵy yntymaqtastyq» taqyryby aıasynda ótedi.
Is-shara – eki memleket arasyndaǵy yqpaldastyqtyń perspektıvti baǵyttaryn talqylaý, ekijaqty qatynastardy nyǵaıtý, iskerlik toptardyń baılanysyn jáne memlekettik organ men bıznes ókilderiniń qarym-qatynasyn jandandyrý úshin tıimdi alań. Jıynǵa qatysýshylar transshekaralyq sý resýrstaryn basqarý, klımattyń ózgerýi men kómirteginen arylý, sondaı-aq janýarlar men ósimdikter álemin qorǵaý týraly máselelerdi talqylaıdy.
Forým sońynda birqatar qujatqa qol qoıý josparlanǵan.