Sınoptıkter 30 qyrkúıekke arnalǵan aýa raıy boljamyn jarııalady, dep habarlaıdy Egemen.kz.
«Respýblıkanyń basym bóliginde frontaldy bólikterdiń áserinen jaýyn-shashyn bolady, elimizdiń ońtústiginde jańbyr jaýady. Respýblıkanyń tek batysyna jáne ońtústik-batysyna soltústik antısıklon áserin tıgizedi, osyǵan baılanysty jaýyn-shashynsyz aýa raıy bolady. Respýblıka boıynsha jel kúsheıedi, ońtústik-shyǵysynda shańdy daýyl soǵyp, soltústiginde jáne ortalyǵynda tuman túsedi, kóktaıǵaq bolady, kúndiz shyǵysynda jáne ońtústik-shyǵysynda naızaǵaı oınaıdy», delingen «Qazgıdromet» RMK baspasóz habarlamasynda.
Atap aıtqanda, Jambyl oblysynyń batysynda, ońtústik-batysynda jáne taýly aýdandarynda shańdy daýyl soǵady, 15-20 m/s jel kúsheıedi, tańerteń jáne kúndiz oblystyń shyǵysynda jáne taýly aýdandarda naızaǵaı baqylanady.
Aqmola oblysynyń soltústiginde jáne ońtústik-shyǵysynda tuman túsip, kóktaıǵaq bolady, kúndiz oblystyń soltústik-batysynda jel 15-20 m/s kúsheıedi.
Túnde jáne tańerteń Qaraǵandy oblysynyń soltústiginde jáne shyǵysynda tuman túsip, kóktaıǵaq bolady, kúndiz shyǵysynda jel 15-20 m/s kúsheıedi.
Kúndiz Shyǵys Qazaqstan oblysynyń soltústik-shyǵysynda naızaǵaı oınaıdy, ońtústik-batysynda jel 15-20 m/s kúsheıedi.
Qostanaı oblysynyń shyǵysynda jáne ońtústiginde kóktaıǵaq bolyp, túnde jáne tańerteń shyǵysynda tuman túsedi.
Kúndiz Almaty oblysynyń shyǵysynda jáne taýly aýdandarynda, Túrkistan oblysynyń soltústiginde, Qyzylorda oblysynyń ortalyǵynda jel 15-20 m/s kúsheıedi.
Túnde jáne tańerteń Soltústik Qazaqstan oblysynyń soltústik-batysynda, Pavlodar oblysynyń ońtústiginde jáne ortalyǵynda tuman túsedi.