Qaraǵandy oblysynyń Buqar jyraý aýdanyndaǵy aýrýhana dırektory qyzmetkerlerinen para aldy degen kúdikke ilindi, dep habarlaıdy Egemen.kz.
Dárigerler basshylyq koronavırýspen aýyratyn naýqastardy emdeý úshin memleketten yntalandyrý tólemderin alýǵa múmkindik bergeni úshin aqsha usynyp otyrǵan.
«Koronavırýs ınfeksııasy anyqtalǵan naýqastarǵa medısınalyq kómek kórsetýge qatysatyn qyzmetkerlerge tólenetin yntalandyrý ústemeleri úshin para berildi», dedi Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Qaısar Barjaqsynov.
Qazirgi ýaqytta aýrýhana dırektory ýaqytsha ustaý ızolıatoryna qamaldy.