Jambyl oblysynda tamyzdyń aıaǵynda Taraz mańyndaǵy jarylys kezinde habar-osharsyz ketken áskerı Baýyrjan Dáýitbaevty izdeý jumystary áli de júrip jatyr, dep habarlaıdy Egemen.kz
Izdestirý jumystaryna 500-den asa adam tartyldy, olardyń ishinde Jambyl oblysy polısııa departamentiniń, TJ departamentiniń qyzmetkerleri, QR Ulttyq ulanynyń 5513 jáne «Ońtústik» óńirlik qolbasshylyǵynyń 91678 áskerı bóliminiń áskerı qyzmetshileri, «Ormanshylar» azamattyq personalynyń ókilderi jáne týystary bar. Olar úsh topqa bólindi.
Barlyǵy 50 tehnıka jumyldyryldy. Arnaıy tikushaq ta iske qosylǵan. Izdeý jasaqtary taýly jerlerdi de sholyp jatyr. «Ońtústik» óńirlik qolbasshylyǵynyń 91678 áskerı bóliminiń qyzmetshileri izdeýge atpen attandy. «Jambyl oblysy ákiminiń tapsyrmasymen habar-osharsyz ketken jaýynger Baýyrjan Dáýitbaevty izdeý sharalary kúsheıtildi. Izdestirý jumystary birden birneshe baǵytta júrgiziledi jáne bir sátke de toqtamaıdy», dedi Jambyl oblysy ákiminiń orynbasary Talǵat Mamaev.Joǵalǵan áskerıdiń aǵasy Marat Dáýitbaev ta izdestirýge belsene qatysýda.
«Birinshi izdestirý tobymen birge jaqyn mańdaǵy eldi mekenderdiń aýmaqtaryn áýeden sholyp shyqtyq. О́kinishke qaraı, izdeý sharalary nátıje bermedi. Biraq biz úmit úzbeımiz jáne aǵamyzdy tabamyz degen senimdemiz», dedi ol.
Kishi serjant Baýyrjan Dáýitbaev 26 tamyzda keshke Taraz mańynda áskerı bólimdegi qoıma jarylysy kezinde joǵalyp ketti. Ol qaza tapqandardyń qatarynda joq, tótenshe jaǵdaı ornynda áskerı qyzmetshiniń máıiti tabylmady. Dáýitbaev - áli tabylmaǵan jalǵyz adam.