Jánibek N’Jıkammen judyryqtasady

Hassan 1984 jyldyń 18 aqpanynda Kamerýnnyń as­tanasy – Iаýndede dúnıege keldi. Áýeli áýesqoılar ara­synda óner kórsetip, 2013 jyly Afrıka chempıo­ny atanyp, Afrıka oıyndaryn­da kúmis medaldi ıelen­di. 2004 jyly Afına Olımpıa­dasynyń shırek fınalyna deıin jetti. Bul mejede ol reseılik Gaıdarbek Gaı­­darbekovke ese jiberdi. Ejel­gi Ellada elindegi uly dúr­mek aıaqtalǵan soń N’Jı­kam kásipqoılar arasynda baq synaýǵa bel býdy. О́zi­niń kózdegen maqsatyna qol jetkizý úshin Fransııaǵa qonys aýdaryp, sol eldiń azamattyǵyn aldy.

Hassan N’Dam N’Jıkam­nyń kásipqoı rıngte ju­dyryqasyp júrgenine 16 jylǵa jýyqtady. Sol ýaqyt aralyǵynda ol 42 jekpe-jek ótkizip, 37-sinde jeńiske jetti. 21 qarsylasyn nokaýt­qa jiberdi. Aıtýly boksshy kezinde Avtandıl Hýrsıdze, Maks Býrsak, Pıter Kýıllın, Alfonso Blanko, Reto Mýrata, Martın Mıýrreı jáne taǵy basqa sańlaqtardy san soqtyrdy. 2012 jyly Hasan WBO jáne 2017 jyly WBA nusqalary boıynsha álem chempıony atandy. Taǵy basqa beldi tujyrymdardyń altyn belbeýin ıelendi. О́zi­niń sporttyq karerasyn­da fransýz jigiti tek Pıter Kýıl­lın (2012 jyly, tóreshi­ler sheshimimen), Davıd Leme (2015, tóreshiler sheshimimen), Reto Mýrata (2017, 7 raýndta báse­keni jalǵastyrýdan bas tartty), Kallým Smıt (2019, 3 raýnd­ta nokaýt) jáne Fedor Chýdınovqa (2019, tóreshiler sheshimimen) ǵana ese jiberdi.  

Kásipqoılardyń Olımpıadaǵa qatysýyna ruq­sat berilgennen keıin N’Jı­kam 2016 jyly Rıo-de-Ja­neı­rodaǵy jarysta boı kórsetti. Biraq ol alysqa shappady. Ka­merýn quramasynyń sapynda 81 kg salmaq dá­re­je­sinde saıysqa túsken Hasan bra­zılııalyq Mıshel dı Soýza Bor­jıske jol berdi. 

Fransııa ókiliniń ataq-dań­qy zor bolǵanymen, qa­zirgi kezde ol burynǵydaı ba­bynda emes. Sońǵy eki báse­kesinde N’Jıkamnyń je­ńilis tabýy osy sózimizdiń aıqyn dá­leli. Onyń ústine, ol eki jyl­dan beri sharshy alańǵa shyqqan joq. Iá, Jánibek Álim­hanulyna burynǵy chem­pıon­ǵa qarsy bolsa da, jek­pe-jekke shyǵý tıimdi. Qan­sha degenmen Hasannyń ataǵy bar. Biraq, shyny kerek, shaý tartyp qalǵan boksshy qazaqtyń jalyndap turǵan jigitin jeńe alady degenge sený qıyn.