Orta salmaqta WBO International chempıony Qanat Islam (28-0, 22 KO) jaqynda rıngke oralýdy josparlap otyr, dep jazady Egemen.kz.
37 jastaǵy sportshy óziniń Instagram paraqshasynda Ystambulda jattyǵý jasap júrgenin habarlady.
«Qurmetti meniń jankúıerlerim, biz jekpe-jek jattyǵýlaryna qyzý daıyndyqtamyz. InshAllah, jaqynda jaqsy jańalyqtarmen bólisemiz. Sizderge Túrik elinen jalyndy sálem!» dep jazdy ol.
Qanat Islamnyń sońǵy kezdesýi 21 aqpanda Maıamıde ótti. Onda boksshy jetinshi raýndta ekvadorlyq Djeıson Mındýdy (14-4-1, 8 KO) nokaýtqa jiberdi.