Senattyń Halyqaralyq qatynastar, qorǵanys jáne qaýipsizdik komıtetiniń otyrysynda depýtattar TMD qatysýshy memleketterdiń Qarýly Kúshteriniń yntymaqtastyǵyn jetildirýge yqpal etetin zań jobalaryn talqylady, dep habarlaıdy Egemen.kz Senattyń baspasóz qyzmetine silteme jasap.
Zań jobalarynyń biri baılanys júıeleriniń jumysyn jaqsartý úshin ázirlendi. Kelisimge qatysýshylar Qarýly Kúshterdiń basqarý júıesinde qajetti baılanys qyzmetterin ala alady jáne aqparat túrlerimen almasa alady. Budan basqa, kelisimdi ratıfıkasııalaý ǵylymı-zertteý jumystarymen birlesip aınalysýǵa múmkindik beredi.
Qaralǵan ekinshi zań jobasyna sáıkes TMD-ǵa qatysýshy memleketterdiń qarýly kúshteri mına alqaptaryn tehnıkalyq barlaýǵa qatysa alady, jarylys qaýpi bar zattardyń bar-joǵyna obektilerdi zerdeleı alady, sondaı-aq buryn urys qımyldary júrgizilgen aýdandarǵa barlaý júrgize alady.
Otyrys qorytyndysy boıynsha depýtattar atalǵan zań jobalaryn Palatanyń qaraýyna jiberý týraly sheshim qabyldady.