Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattary Memleket basshysy Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý jáne «Aýyl sharýashylyǵyn damytýdyń ózekti máseleleri men keleshegi» taqyrybyndaǵy parlamenttik tyńdaýǵa daıyndyq aıasynda Ulttyq bıotehnologııa ortalyǵynda boldy, dep jazady Egemen.kz.
Senat depýtattary ortalyqtyń agrobıotehnologııalardy paıdalaný salasyndaǵy aýyl sharýashylyǵy óndirisiniń tıimdiligin arttyrýǵa arnalǵan ǵylymı-zertteý qyzmetimen tanysty.
«Agrarlyq ǵylym agrarlyq-ónerkásip kesheniniń básekege qabilettiligin arttyrýda asa mańyzdy ról atqarady. Ǵylym men aýyl sharýashylyǵy óndirisin tyǵyz yqpaldastyrý, sondaı-aq salany sapaly kadrlarmen qamtamasyz etý qajet», dedi komıtet tóraǵasy Álı Bektaev.
Senatorlar Ortalyqtyń bıologııa, bıotehnologııa, bıologııalyq qaýipsizdik pen ekologııa, onyń ishinde ujymdyq paıdalanýdaǵy bıotehnologııa, ósimdik seleksııasy, ósimdiktiń gendik ınjenerııasy, ósimdik genomıkasy jáne bıoaqparattar jáne basqa salalardaǵy irgeli jáne qoldanbaly zertteýleri týraly habardar etildi.