Bıylǵy 29 qyrkúıek pen 3 qazan aralyǵynda Ishki ister mınstriniń orynbasary – Ulttyq ulan Bas qolbasshysy, general-leıtenant Rýslan Jaqsylyqov bastaǵan Qazaqstan Respýblıkasy Ulttyq ulan Bas qolbasshylyǵynyń delegasııasy О́zbekstan Respýblıkasynda issaparmen boldy.
Atalǵan issapar ózbekstandyq taraptyń shaqyrýymen qyzmettik-jaýyngerlik áreket boıynsha tájirıbe almasý jáne ár túrli salada ekijaqty yntymaqtastyqty arttyrý maqsatynda uıymdastyryldy.
Qazaqstandyqtar aldymen О́zbekstan Ulttyq ulanynyń Ortalyq apparatynda bolyp, Qolbasshy general-maıor Rýstam Djýraevpen kezdesti. Júzdesý barysynda birqatar qujattar boıynsha kelissózder ótkizilip, qujattarǵa qol qoıyldy.
Taraptar áńgime-dúken barysynda negizgi máselelerdi sóz etti. Atap aıtqanda, mańyzdy memlekettik nysandar men júkterdi kúzetý, eki eldiń arnaıy maqsattaǵy bólimsheleriniń birikken arnaıy-taktıkalyq jattyǵýlaryn, sondaı-aq Qazaqstan Ulttyq ulany Áskerı ınstıtýtymen bilim berý baǵdarlamasyn iske asyrý boıynsha tájirıbe almasý máseleleri áńgime arqaýy boldy.
Sapar aıasynda Qazaqstan Respýblıkasy Ulttyq ulan delegasııasy Qoǵamdyq qaýipsizdik ýnıversıtetinde, Arnaıy oqý ornynda, Tashkent qalasynyń kúzetý bóliminde, Kavalerııalyq eskadronda jáne taǵy basqa nysandarda bolyp, qyzmettik-jaýyngerlik árekettiń ártúrli máseleleri boıynsha О́zbekstan Ulttyq ulanynyń tájirıbesimen tanysty.
Delegasııa basshysy general-leıtenant Rýslan Jaqsylyqov yqpaldastyq josparyna qol qoıý kezinde ekijaqty yntymaqtastyqty damytý, nyǵaıtý jáne qoǵamdyq qaýipsizdik máseleleri boıynsha ózara árekettesý ári qaraı jalǵasatynyna senim bildirdi.
Taraptar, sondaı-aq Qazaqstan Ulttyq ulany ókilderi kınologtarynyń jeke-komandalyq jarystaryna, baqylaýshy retinde kúreń beret kvalıfıkasııalyq synaqtaryna qatysýǵa, sonymen qatar taýly jáne arnaıy-taktıkalyq daıyndyq boıynsha Qazaqstan jáne О́zbekstan Ulttyq ulandarynyń arnaıy maqsattaǵy jaýyngerleri arasynda tájirıbelik semınar-jınalysyn ótkizý týraly kelisimge qol jetkizdi.
Budan bólek, О́zbekstan Ulttyq ulanynyń basshylyǵy Qazaqstan polısııasynyń 30 jyldyǵyna arnalǵan áskerı-úrmeli orkestrler arasyndaǵy halyqaralyq áskerı-mýzykalyq «Áskerı kerneı – 2022» festıvaline jáne Qazaqstan Ishki ister mınstriniń kýbogine arnalǵan jekpe-jek urys boıynsha halyqaralyq týrnırge qatysýǵa ynta tanytty.