Almaty qalasy Bilim basqarmasy basshysynyń orynbasary Qaırat Jumanov О́ńirlik kommýnıkasııa alańynda ótken brıfıngte mektep salý jospary týraly aıtty, dep jazady Egemen.kz.
Onyń aıtýynsha, memleket basshysynyń 2021 jylǵy Joldaýynda jarııalanǵan tapsyrmalardy iske asyrý aıasynda Almaty qalasy Bilim basqarmasynda júıeli jumystar júrgizilýde.
«Qazir 12 600 oryndy 8 jalpy bilim berý mektebiniń qurylysy jáne 8 263 oryndy 17 mekteptiń qosymsha qurylysy júrip jatyr. Jańa oqý jylynyń basyna deıin 3 jańa ǵımarattyń qurylysy aıaqtaldy jáne qyrkúıekte 4 150 orynǵa arnalǵan qosymsha qurylys aıaqtaldy. 4113 orynǵa arnalǵan qalǵan 8 qosymshanyń qurylysy qarasha aıynyń sońyna deıin bitedi. Jańa oqý jylynyń basyna deıin 2 656 orynǵa arnalǵan 13 jekemenshik mektep ashyldy. Osylaısha jyl sońyna deıin 16 myńnan astam oqýshy jańa orynmen qamtylady», deıdi ol.
Sondaı-aq ol «Mektepke jol» aksııasy aıasynda qaladaǵy az qamtylǵan otbasydan shyqan oqýshylarǵa kómek kórsetilgenin jetkizdi.
«Memleket basshysynyń tapsyrmasyn oryndaý maqsatynda jyl saıyn «Mektepke jol» jalpy ulttyq aksııasy ótkiziledi. Jańa oqý jylynyń aldynda áleýmettik qorǵalmaǵan jáne az qamtylǵan otbasynan shyqqan 22 142 oqýshyǵa 774 mln 790 myń teńge kóleminde bıýdjet qarajatynan kómek kórsetildi. Bul rette «Mektepke jol» aksııasy aıasynda demeýshiler esebinen 9 022 oqýshyǵa 123 mln 399 myń teńgeniń kómegi kórsetildi», dedi Jumanov.