Batys Qazaqstan oblysy boıynsha jumys sapary aıasynda QR Premer-Mınıstriniń orynbasary Eraly Toǵjanov «Atameken» óner saraıynyń saltanatty ashylýyna qatysty, ol oblys ortalyǵynda ornalasqan barlyq kórkemóner ujymdarynyń, mádenıettiń barlyq baǵyttarynyń ókilderiniń basyn qosady, dep habarlaıdy Egemen.kz primeminister.kz-ke silteme jasap.
1120 oryndyq saraıdyń konsert hollynda Dáýletkereı atyndaǵy qazaq halyq aspaptary orkestriniń, Batys Qazaqstan oblysy ákimingiń estradalyq-sımfonııalyq orkestriniń jáne Oral qalasynyń orys halyq aspaptary orkestriniń oryndaýynda otandyq jáne álemdik klassıkterdiń ataqty shyǵarmalary oryndaldy.
Qazaqstannyń kórnekti mádenıet qaıratkerleri Aıman Musaqojaeva, Birjan Hasanǵalıev, Dına Hamzına, Nurlan Bekmuhambetov, Janna Orynbasarova, Elena Nızamýtdınova jáne Juldyzbek О́teshqalıev meımandarǵa óz ónerlerin pash etti. Ártister konsert zalynda jasalǵan akýstıkanyń ereksheligin atap ótti.
Ortalyqtyń aýqymdy kartına galereıasynda Nıderlandy jáne Italııa sýretshileri jumystarynyń kórmesi, sondaı-aq BQO oblystyq tarıhı-ólketaný murajaıynyń ekspozısııasy ornalasqan. Munda oblys, el sýretshileriniń sýretteri jáne halyqaralyq avtorlardyń qylqalam týyndylary usynylady.
«Atameken» óner saraıynda konsertter men kórmeler ǵana emes, halyqaralyq forýmdar men basqa da buqaralyq mádenı is-sharalardy ótkizý josparlanǵan.