Mańǵystaý oblysy polısııa departamentiniń baspasóz qyzmeti Beıneý aýylynda oryn alǵan jol apatynyń mán-jaıyn túsindirdi, dep habarlaıdy Egemen.kz.
Beıneý aýdany Beıneý aýylyndaǵy «Araı» qonaq úıiniń janyndaǵy Sultan Beıbarys kóshesindegi jol apaty 10 qazanda oryn aldy. Kólik ǵımarattyń kireberisinde tóńkerildi.
«Mercedes-Benz avtokóliginiń dońǵalaǵy jarylyp, júrgizýshi rýldi basqara almaı, turaqqa qoıylǵan LADA 21902 avtokóligimen soqtyǵysýǵa jol berdi. Osydan keıin ol qonaq úıdiń qorshaýyna qulap, tóńkerildi», dep habarlady vedomstvo.
Zardap shekkender aýdandyq aýrýhanaǵa jetkizildi. Júrgizýshige QR ÁQBtK-niń 610-babynyń 3-bóligi boıynsha ákimshilik hattama toltyrylyp, 60 aılyq eseptik kórsetkish (175 020 teńge) mólsherinde aıyppul salyndy.