21-24 qazan aralyǵynda Qytaıdyń bas shahary – Beıjińde short-trekten álem kýbogynyń kezeńdik saıysy ótedi, dep jazady Egemen.kz.
Kúni keshe ǵana Qazaqstan ulttyq qurama komandasynyń bapkerleri Aspanasty elinde qandaı quramda óner kórsetetinderin jarııa etti. Erler arasynda Denıs Nıkısha, Abzal Ájǵalıev, Ádil Ǵalıahmetov, Nurtilek Qajǵalı, Erkebulan Shamuhanov jáne Mersaıd Jaqsybaev syndy saıypqyrandar saıysqa túsedi. Áıelder saıysynda Álııa Ámirǵalıeva, Ásel Taıshmanova, Iаna Han, Olga Tıhonova, Alena Volkovıskaıa jáne Madına Janbosynovaǵa senim artylyp otyr.
Esterińizge sala keteıik, jyldyń sońyna deıin álem kýbogy sanatynda enetin taǵy tórt kezeńdik saıystar ótedi. Bul básekelerdi Japonııanyń Nagoıa (28-30 qazan), Majarstannyń Debresen (18-21 qarasha) jáne Nıderlandtyń Dordreht (25-28 qarasha) qalalary qabyldaıdy.