Taılandtyń Nakhonpathom qalasynda voleıboldan erler arasyndaǵy Azııanyń klýbtyq chempıonaty ótýde. “Býrevestnık” klýby Azııa týrnırinde alǵashqy oıynnan keıin kóshbasshy bolyp otyr. Ári qaraıǵy matchtarda jeńiske umtylýda.
Atalǵan jarysta Qazaqstannyń atynan Almatynyń «Býrevestnıgi» baq synaýda. Alǵashqy oıynda otandastarymyz Iraktyń «Soýz Gaz Klýbynan» 2:3 esebimen utylyp qalǵan edi. Esesine kelesi eki kezdesýde jeńiske jetip, óz jankúıerlerin qýantty. Atap aıtsaq, ekinshi týrda jergilikti «Nahon Radchasımany» oısyrata utty – 3:0. Keshe Shrı-Lankanyń «SEB» klýbyn san soqtyrdy – 3:0. Qazirgi kezde almatylyq voleıbolshylar jarys kestesinde kósh bastap tur. Toptyq týrnırdegi sońǵy básekesin «Býrevestnık» 12 qazan kúni Kýveıttiń «Kamzasymen» ótkizedi.
Kelesi topta Irannyń «Sırjan Foýlad», Katardyń «Ál-Arabı Sports Klýb», Fılıppınniń «Rebısko», О́zbekstannyń «AGMK» jáne Taılandtyń «Daımond Fýd» klýbtary kúsh synasýda.