Energetıka Vıse-mınıstri Áset Maǵaýov OKQ brıfınginde dızel otynynyń baǵasy qysqa merzim ishinde lıtrine 190 teńgeden 270 teńgege deıin nege óskenin aıtty, dep habarlaıdy Egemen.kz.
Áset Maǵaýov dızel otyny baǵasynyń kúrt ósýine eki faktor yqpal etýi múmkin ekenin aıtty.
«Bir jaǵynan, Reseıden DT jetkizilimderi áldeqaıda qymbat. Men aıtyp ótkendeı, shekarada ǵana osy otynnyń eń tómengi baǵasy jazǵy otyn boıynsha lıtrine 230 teńge jáne qysqy otyn boıynsha lıtrine 260 teńge boldy. Sáıkesinshe, janar-jaǵarmaı quıý stansııalarynyń kóliktik jáne operasııalyq shyǵyndaryn eskere otyryp, baǵalar shekaradaǵy osy bazadan bastalady», dep túsindirdi ol.
Ekinshi faktor - naryqtyq: kólemi az bolǵan kezde, bul janarmaı quıý beketterinde baǵanyń ósýine ákeledi.
«Importtyq otyn jetkizilimin, qazaqstandyq zaýyttardaǵy óndiristi eskere otyryp, jaǵdaı kólemi boıynsha turaqtanýy tıis dep oılaımyn, bul qazirgideı baǵanyń mundaı ekpini bolmaıtynyna alyp keledi», dep túıindedi spıker.