Nur-Sultan qalasynda Bıbigúl Tólegenovanyń HI halyqaralyq vokalıster baıqaýy óz máresine jetti, dep habarlaıdy Egemen.kz.
Marapattaý, gala-konsert pen baıqaýdyń saltanatty jabylýy 11-qazanda «Astana Opera» memlekettik opera jáne balet teatrynda ótip, HI halyqaralyq vokalıster baıqaýynyń qorytyndysy jarııa etildi. Baıqaý jeńipazynyń esimi belgili boldy.
Bıyl Bıbigúl Tólegenovanyń halyqaralyq baıqaýynyń 20 jyldyǵy Qazaqstan táýelsizdiginiń 30 jyldyǵymen sáıkes kelip otyr. Halyqaralyq baıqaý álemniń eń ozyq sahnalarynda elimizdiń atyn shyǵaratyn jańa juldyzdardy jarqyratady.
Baıqaýdyń gran-prı júldesi Almaty qalasynan kelgen jas oryndaýshy, keremet barıton daýys ıesi Dinmuhamed Kóshkinbaevqa berildi. Sońǵy ótken baıqaýlardan keıin alǵash ret gran-prı Qazaqstanda qaldy.
HI halyqaralyq vokalıster baıqaýynyń jeńimpazy Dinmuhamed Kóshkinbaev jeńisi úshin rızashylyǵyn bildirdi. Ádilqazy alqasy ózara keńespeı, bir aýyzdan ánshige joǵary ball qoıdy.
Ádilqazy alqasynyń qurmetti múshesi Novıchenko Tamara Dmıtrıevna: «Qazaq halqy erekshe bir mýzykalyq darynǵa, vokaldyq qabiletke ıe. Bul – ultqa tán erekshelik. Barlyq qatysýshylar myqty, daıyndyǵy joǵary. Mundaı múmkindik úshin sizderge rahmet! Qonaqjaılylyq úshin rızashylyǵymyzdy bildiremiz», dep atap ótti.
Foro Bonapart mýzykalyq akademııasynyń professory Anatolıı Gýsev Eýropanyń klassıkalyq mýzyka boıynsha bedeldi baıqaýyna qatysýǵa Bıbigúl Tólegenovanyń vokalıster baıqaýynyń úsh jeńipazyna shaqyrý daıyndap jatqanyn málimdedi. Olar irikteý týryna qatyspaı, sheteldik baıqaýda baq synap kórýge múmkindik alady. Anatolıı Gýsev: «Avstrııadaǵy Ferýchcho Karerını atyndaǵy halyqaralyq vokaldyq baıqaý jetekshiligi men dıreksııasy Dinmuhamed Kóshkinbaevqa (Qazaqstan), De-Rel Gabrıelge (RF) jáne Názir Otabekke (О́zbekstan) baıqaýdyń birden jartylaı fınalyna qatysýǵa 3 syılyq usynýyma ruqsat berdi. Olar 2022 jyly bolatyn irikteý týryna qatyspaıdy», dedi.
«Astana Opera» memlekettik opera jáne balet teatrynyń dırektory, Qazaqstannyń eńbek sińirgen qaıratkeri Ǵalym Ahmedıarov sóz sóılep, Bıbigúl Tólegenovanyń HI halyqaralyq vokalıster baıqaýynyń laýreaty Áýbakırova Ásem Tólegenqyzyna arnaıy syı – Qazaq óner akademııasynda oqýǵa sertıfıkat bergisi keletinin aıtty.
KSRO men Qazaqstannyń halyq ártisi, qazaq bulbuly, qazaq óneriniń «marjany», qazaq halqynyń maqtanyshy, teńdesi joq Bıbigúl Tólegenova mereıtoılyq baıqaýdyń uıymdastyrýshylary, demeýshileri, seriktesteri men qatysýshylaryna rızashylyǵyn bildirdi. Bıbigúl Tólegenova bas demeýshi «Samuryq-Qazyna» AQ, áleýmettik seriktes «Samruk-Kazyna Trust» korporatıvtik qorynyń, QR Mádenıet jáne sport mınıstrliginiń, Nur-Sultan qalasy ákimdiginiń rólin erekshe atap ótti.
«Men barlyq qatysýshylardy, daryndy, belsendi jas ánshilerdi shyn júrekten quttyqtaımyn. Bıylǵy baıqaý erekshe boldy. Oryndaýshylardyń barlyǵy joǵary deńgeıde daıyndalǵan. Úzdik oryndaýshyny tańdaý qıynǵa soqty. Munymen ádilqazy alqasynyń músheleri kelisedi dep oılaımyn. Degenmen, eń myqtysy jeńdi. Biz joǵary óner álemine baıqaýda joly ashylǵan jandardyń kásibı ómirinen árkez habardarmyz. Jańa juldyzdar álemniń ozyq sahnalarynda elimizdiń atyn asqaqtatady. Baıqaýdyń qurylý kezeńderinde Elbasynyń kórsetken qoldaýyna alǵys bildiremin. Búginde baıqaýǵa eń joǵary deńgeıde kóńil bólinedi. Memleket basshysy Qasym-Jomart Toqaev jazǵan hatynda baıqaýǵa qatysýshylarǵa aq jol tiledi. Bul barlyǵymyzǵa shabyt beredi. Bas demeýshiler men Mádenıet jáne sport mınıstrligine aıtar alǵysymyz mol», dedi sóılegen sózinde HI halyqaralyq vokalıster baıqaýy ádilqazy alqasynyń tóraıymy, KSRO men Qazaqstannyń halyq ártisi, Sosıalıstik Eńbek Eri, KSRO men Qazaqstannyń memlekettik syılyqtarynyń laýreaty, akademık Bıbigúl Tólegenova.
Keıin saǵat 18.00-de «Astana Opera» memlekettik opera jáne balet teatrynda Bıbigúl Tólegenovanyń HI halyqaralyq vokalıster baıqaýynyń saltanatty jabylýy ótti. Baıqaý jeńipazdaryn marapattaý rásiminen keıin Nur-Sultan qalasy ákimdiginiń Memlekettik sımfonııalyq orkestriniń súıemeldeýimen baıqaý laýreattarynyń gala-konserti ótti. Dırıjeri – Erbolat Ahmedıarov.
Samruk-Kazyna Trust bas dırektorynyń orynbasary Qalıasqarov Serǵoja Maratuly: «Shyǵarmashylyq baıqaý jas ártisterge óz talantyn kópshilikke kórsetýge múmkindik beredi. Sonymen birge shara óz baǵyn synaýshy jas vokalısterge jol ashady. Baıqaý aıasynda jyl sońyna deıin «erekshe» balalar men turmysy tómen otbasylardan shyqqan jetkinshekter úshin vokal boıynsha birqatar sheberlik synyptary ótedi. Sabaqtar oflaın jáne onlaın formatta uıymdastyrylady. Balalarǵa óz isiniń kásibı mamandarynan aqyl-keńes, sonymen birge jetistikke jetken ánshilerden úlgi alýǵa múmkindik týyndaıdy».
Qazaqstan Respýblıkasy Mádenıet jáne sport vıse-mınıstri Dáýeshov Nurqısa Muratuly jınalǵandarǵa alǵys aıtyp, sóz sóıledi: «Joǵary klassıkalyq óner jankúıerleri úshin ádemi opera mýzykasynan lázzat alyp, baıqaý jeńipazdary men laýreattarynyń ónerine kýá bolýǵa, jas daryn ıeleriniń shyǵarmashylyǵyna laıyq baǵa berýge múmkindik týdy».
Nur-Sultan qalasy ákiminiń orynbasary Oralov Ashat Razdyquly: «О́z tarapymyzdan Bıbigúl Tólegenovanyń halyqaralyq vokalıster baıqaýyn ótkizý bastamasyna árqashan qoldaý bildirýge ýáde beremiz».
Ýsmanov Ramız bıylǵy baıqaýǵa ádilqazy múshesi retinde qatysyp otyr. Ol baıqaýǵa shaqyrylǵany jáne klassıkalyq oryndaý óneriniń sheberlerimen birge ádilqazy múshesi etip saılanǵany úshin rızashylyǵyn bildirdi. Búginde Ramız Ýsmanov Á.Naýaı atyndaǵy Memlekettik akademııalyq Úlken teatrdyń solısi, О́zbekstan halyq ártisi.
Eske salaıyq, 2021 jylǵy 1-11 qazan aralyǵynda Nur-Sultan qalasynda KSRO men Qazaqstannyń halyq ártisi, qazaq bulbuly, akademık Bıbigúl Tólegenovanyń Halyqaralyq vokalıster baıqaýy on birinshi márte ótkizildi.