Elordadaǵy mýzykalyq jas kórermen teatry II teatr maýsymynyń shymyldyǵyn túredi, dep habarlaıdy Egemen.kz.
Elorda tórinde 2020 jyly tusaýy kesilgen Nur-Sultan qalasy ákimdiginiń «Mýzykalyq jas kórermen teatry» ujymy óner báıgesine jańadan qosylǵan jas teatr.
Teatr alǵashqy shymyldyǵyn qazaqtyń uly aqyny Abaı Qunanbaevtyń 175 jyldyq mereıtoıy qarsańynda M.Áýezovtyń «Abaı-Toǵjan» mýzykalyq-dramasymen (ınssenırovka avtory Mıras Ábil) ashqan bolatyn. Jańa maýsymda da teatr ujymy súıikti kórermenderine daıyndaǵan tyń týyndylary jeterlik. Teatr ujymy óz kórermenimen saǵyna qaýyshatyndyǵyn qýana habarlaımyz!
Nur-Sultan qalalyq «Mýzykalyq jas kórermen teatry» jańa II teatr maýsymyn 15-16 qazan kúnderi saǵat 18:00-de M.Áýezovtyń «Abaı-Toǵjan» mýzykalyq-dramasymen ashpaq. Qazaq eliniń uly oıshyly, aqyn Abaı Qunanbaıulynyń bozań qyrda ótken balalyq shaǵymen kirshiksiz mahabbaty, sezimge toly óleń jyrlary kórermendi beı-jaı qaldyrmaıtyny anyq.