Ońtústik shahardaǵy ońdy oqıǵanyń biri Almatydaǵy Ahmet Baıtursynovtyń murajaı-úıi qala menshigine qaıtaryldy. Megapolıs ákimi Baqytjan Saǵyntaev kórnekti aǵartýshynyń tarıhı-mádenı murasyn saqtaý maqsatynda tıisti sheshim qabyldady, dep habarlaıdy Egemen.kz.
Qala basshysy Baqytjan Saǵyntaev A.Baıtursynovtyń murajaı-úıine baryp, murajaı-úıdi qoǵamdyq qordan kommýnaldyq menshikke berý týraly sheshim qabyldanǵanyn málimdedi.
«Keler jyly kórnekti aǵartýshy A. Baıtursynovtyń týǵanyna 150 jyl tolady. Mereıtoıǵa daıyndyq barysynda qoǵam qaıratkeri turǵan murajaı-úıdi qala menshigine qaıtardyq. Onyń murasy máńgilik saqtalady», dep jazdy B. Saǵyntaev óziniń Twitter-degi akkaýntynda.
HH ǵasyrdyń basynda salynǵan murajaı ǵımaraty respýblıkalyq mańyzy bar tarıh jáne mádenıet eskertkishteriniń memlekettik tizimine engizilgen. Ǵımarattyń jalpy aýdany – 160 sh. m.