Shymkent qalasynyń ákimi M.Áıtenov «Juldyz» ındýstrıaldy aımaǵynyń ınjenerlik ınfraqurylym júıeleriniń qurylys barysyn pysyqtady, dep jazady Egemen.kz.
Nysan eki jobadan turady. 1-shi jobada 12,5 shaqyrym aýyzsý, 58,2 shaqyrym elektr jelisi, 8,9 shaqyrym tabıǵı gaz, 11,4 shaqyrym káriz júıeleriniń qurylysy qamtylǵan.Búginde merdiger mekeme «Turan Energo Group» JShS 8 shaqyrym aýyzsý jáne 10 shaqyrym káriz júıeleriniń transheıalaryn qazý jumystaryn oryndady. Nysan 2022 jylǵa ótpeli.
2-shi joba boıynsha 13,2 shaqyrym avtomobıl jolynyń qurylysy josparlanǵan. Qazirgi tańda merdiger mekeme «Impuls» JShS tarapynan jumystardyń 10 %-y atqaryldy. Aǵymdaǵy jylǵa №2 ýchaske aýmaǵynda 2,4 shaqyrym jol qurylysyn aıaqtaý úshin qosymsha qarjy qajet. Atalǵan nysan qurylysy da kelesi jylǵa ótpeli.
Shymkent qalasynda aýmaǵy 306 ga «Juldyz» ındýstrıaldy aımaǵyn qurý jumystary júrgizilýde. Jobany 2021-2022 jyldary iske asyrý josparlanyp otyr. Onda quny 100 mlrd tengeni quraıtyn 30-ǵa jýyq ınvestısııalyq jobalar júzege aspaq.