Mańǵystaý oblysynda 3 kólik soqtyǵysyp, saldarynan 2 adam qaza tapty, dep habarlaıdy Egemen.kz.
Qaıǵyly oqıǵa 13 qazan kúni saǵat 16:51 shamasynda «LPG Trade» gaz quıý beketine qarama-qarsy jolda bolǵan.
Mańǵystaý oblystyq Polısııa departamentiniń málimetinshe, Aqtaý qalasynan Munaıly aýdanyna bara jatqan «Chevrolet Cobalt» avtokóliginiń júrgizýshisi qarsy baǵytqa shyǵyp, «GAZel» jáne «Daewoo Nexia» kólikterimen soqtyǵysqan.
«Jol apaty saldarynan «Chevrolet Cobalt« avtokóliginiń júrgizýshisi men jolaýshysy oqıǵa ornynda kóz jumdy.
Sondaı-aq, zardap shekkenderdiń beseýi Mańǵystaý oblystyq aýrýhanasyna jetkizildi», delingen baspasóz habarlamasynda. Atalǵan fakti boıynsha tergeý amaldary júrgizilýde.