Soltústik Qazaqstan oblysy tolyq lokdaýnǵa jabylýy múmkin. Keıingi eki aptada óńirde COVID-19 deńgeıi 1,5 ese ósken. Muny óńirdiń sanıtarııalyq dárigerleri vaksınasııa qarqyny tómen bolýymen jáne delta shtamynyń taraýymen baılanystyryp otyr, dep habarlaıdy Egemen.kz.
SQO bas sanıtarııa dárigeriniń orynbasary Arman Kúshbasovtyń aıtýynsha, keıingi kezderi oblys boıynsha tek 200-300 adam vaksına saldyrady, bul epıdahýalǵa keri áser ete bastaǵan. Biraq Qazaqstannyń barlyq óńirindegi jaǵdaı birdeı emes. Mysaly Túrkistan oblysynda jáne Shymkentte vaksınasııa jospary 30 qyrkúıekte oryndalǵan. Búginde eki óńir de «jasyl» aımaqta. Vırýs taraý qarqyny azaıyp, al shekteý sharalary jeńildegen. Al Soltústik Qazaqstan oblysynda, kerisinshe, vaksınasııa qarqyny azaıyp, aýrý deńgeıi ósip jatyr.
«Eki aptadan beri Soltústik Qazaqstan oblysy «qyzyl» aımaqta. Eger aýrý deńgeıi azaımasa mekemelerdiń jumysyn toqtatyp, lokdaýn jarııalaýymyzǵa týra keledi. Árıne, bul májbúrli shara, sebebi naýqastar sanynyń kóbeıýi medısınalyq mekemelerge salmaq túsirýi múmkin», deıdi Arman Kúshbasov.