Úkimet otyrysynda «Aýyl - El besigi» jobasynyń iske asyrylý barysy talqylandy, dep habarlaıdy Egemen.kz Primeminister.kz-ke silteme jasap.
Úkimet otyrysynda Ulttyq ekonomıka mınıstri Áset Erǵalıev, Pavlodar oblysynyń ákimi Ábilqaıyr Sqaqov, Qostanaı oblysynyń ákimi Arhımed Muhambetov, Almaty oblysynyń ákimi Amandyq Batalov baıandama jasady.
2019 jyly bastaý alǵan «Aýyl - El besigi» jobasynyń negizgi maqsaty - aýyldaǵy ómir súrý sapasyn jaqsartý, aýyldyq aýmaqtardyń ınfraqurylymyn jańǵyrtý, olardy jańa óńirlik standarttarǵa deıin jetkizý.
3561 perspektıvaly aýyl iriktelip alyndy, onda 6,9 mıllıon adam nemese aýyl halqynyń 89 paıyzy turady. 2019-2020 jyldary TKSh, kólik, bilim berý, densaýlyq saqtaý, mádenıet jáne sport salalarynda «Aýyl - El besigi» jobasy sheńberinde, sondaı-aq Jumyspen qamtýdyń jol kartasy, «Nurly jol» jáne «Nurly jer» baǵdarlamalaryn eskere otyryp, 618 mıllıard teńge somasyna 12 myń joba iske asyryldy.
Bıyl «Aýyl - El besigi» jobasyn iske asyrý sheńberinde Pavlodar, Qostanaı, Jambyl, Shyǵys Qazaqstan oblystary kósh bastap tur. Almaty, Qyzylorda jáne Atyraý oblystary jobalardy iske asyrýdyń tómen qarqynyn kórsetip otyr.
Aldaǵy 5 jylda «Aýyl - El besigi» jobasyn qarjylandyrý kólemi 800 mıllıard teńgege deıin ulǵaıtyldy, al barlyq kózderdi eskere otyryp, aýyldardy jańǵyrtýǵa 1,3 trıllıon teńge josparlanǵan.
2025 jyly aýyldyq jerlerde sýmen jabdyqtaý qyzmetterimen 100 paıyzdyq qamtamasyz etýge qol jetkizý josparlanýda. Úkimette atap ótkendeı, 10 myń shaqyrym kentishilik joldardyń jaǵdaıy jaqsardy, 12 myń shaqyrym ınjenerlik jeliler, birneshe myń áleýmettik ınfraqurylym nysandary salynyp, jóndeldi, 5 myń aýyl mektebi jańǵyrtyldy.
AО́K salasynda 4,5 trıllıon teńge somaǵa 1 myńǵa jýyq jobany iske asyrý josparlanyp otyr. Aýyl sharýashylyǵyndaǵy eńbek ónimdiligi jospar boıynsha 2,5 ese artýy tıis, sondaı-aq qaıta óńdelgen ónimniń úlesin 70 paıyzǵa deıin jetkize otyryp, AО́K ónimderiniń eksporty da ulǵaıady dep kútilýde. Úkimette mıllıon aýyl turǵyny óz tabysyn arttyrady, aýyl sharýashylyǵynda 500 myń jumys orny qurylady dep kútilýde.
«Aýyl - El besigi» jobasynyń is-sharalaryn iske asyrý aýyl halqynyń ómir súrý sapasyn edáýir jaqsartady jáne aýyldyń damýyna jańa serpin beredi», dedi Asqar Mamın.
Úkimet basshysy aýyldyq aýmaqtardy damytýdyń keshendi jáne biryńǵaı tásilin, 2025 jylǵa qaraı nysanaly ındıkatorlarǵa qol jetkizýdi, sondaı-aq aýyldyq jerlerde kredıt qarajatyna qajettiliktiń ulǵaıýyn eskere otyryp, AО́K-ni turaqty qarjylandyrýdy qamtamasyz etýdi tapsyrdy.