Túrkistanda Mádenıet jáne sport mınıstrligi, «Áziret Sultan» memlekettik tarıhı-mádenı qoryq-mýzeıi» RMQK-nyń uıymdastyrýymen mektep oqýshylary arasyndaǵy dástúrli «Iаsaýıtaný-2021» respýblıkalyq baıqaýy ótti. Jıyrma tórtinshi ret shymyldyǵyn túrgen saıysqa elimizdiń oblys, qalalarynan úzdik dep tanylǵan 30 úmitker qatysty.
Túrki halyqtarynyń rýhanı tutastyǵyn qalyptastyrǵan Qoja Ahmet Iаsaýıdiń hıkmetterin nasıhattap, óskeleń urpaqty uly baba murasyn tereń meńgerýge, zertteýge yntalandyrý, ıntellektýaldyq paıym-parasatyn damytý, kesenede jerlengen tarıhı tulǵalardyń ómiri men qyzmetin óskeleń urpaqqa dáripteý maqsatyndaǵy baıqaýda «Áziret Sultan» memlekettik tarıhı-mádenı qoryq-mýzeıi dırektorynyń mindetin atqarýshy E.Tájibaev, ǵalymdar M.Tuıaqbaev, Z.Jandarbek, qor saqtaýshy N.Áshirbekova jáne dosent О́.Maldybekov qazylyq etti. Eki kezeńnen turatyn baıqaý barysynda bas júldege Túrkistan oblysynyń qatysýshysy Berdibaı Erbolat laıyq dep tanylyp, 150 000 teńge arnaıy júlde jáne dıplom tabystalsa, 100 myń teńge aqshalaı syıaqy taǵaıyndalǵan birinshi oryndy Túrkistan oblysynan Aqjúnis Atahan, ekinshi oryndy 75 myń teńge júldemen Almaty oblysynan Erkesh Berdahmet jáne Qostanaı oblysynan Móldir Aıtmuratova ıelendi. Úshinshi oryn men 50 myń teńge júlde Shymkent qalasynan Azdar Amanǵalı jáne Aqtóbe oblysynan Ásem Seısenovaǵa, Qyzylorda oblysynan Gaýhar Ázenge tapsyryldy. О́zge de qatysýshylar men ustazdarǵa arnaıy aqshalaı syılyqtar men alǵys hattar berildi.
Aıta ketelik, eń alǵash 1997 jyly qalalyq deńgeıde uıymdastyrylǵan «Iаsaýıtaný» baıqaýy keıinnen oblystyq, respýblıkalyq, halyqaralyq dárejege jetti.