Qyrǵyzdyń kórnekti jazýshysy, álem tanyǵan Shyńǵys Aıtmatovtyń kóptegen shyǵarmalary aıaqtalmaı qalǵan. Bul týraly zańǵar jazýshynyń uly Eldar Aıtmatov Egemen Qazaqstan gazetine bergen suhbatynda aıtty, dep jazady Egemen.kz.
Shyńǵys Aıtmatov negizin qalaǵan Halyqaralyq qordyń prezıdenti qyzmetin atqaratyn ol ákesiniń aıaqtalmaǵan týyndylarynyń bar ekenin tilge tıek etti.
Atalǵan shyǵarmalar kásibı tekstologterdiń qaraýynan keıin jarııalanbaq.
Demek, bolashaqta jazýshy Shyńǵys Aıtmatovtyń buǵan deıin beımálim, baspa kórmegen tyń týyndylary oqyrmanǵa jol tartady.
Suhbat barysynda áke jolyn qýyp, qalamdy serik etken Shyryn Aıtmatova shyǵarmalaryn aǵylshyn tilinde jazyp, ádebıettaný salasynda eńbek etip júrgenin de aıtyp ótti.
Suhbattyń tolyq nusqasyn «Aıtmatovtyń uly bolý – úlken jaýapkershilik» materıalynan oqı alasyz.