Úndistanda sý tasqyny men qatty kóshkin saldarynan 40-tan astam adam qaıtys boldy, dep habarlaıdy Egemen.kz.
Bul týraly Reuters agenttigi málim etti.
Úndistannyń soltústigindegi Ýttarakhand shtatynda 46 adam qaıtys boldy, 11 adam joǵalyp ketti. Senbide sý tasqyny bastalǵan Ońtústik Kerala shtatynda qaza tapqandar sany 39-ǵa jetti.
Zardap shekken aýdandarda túsirilgen fotosýretter men vıdeolarda sý basqan joldar men aýyldar kórinedi.
«Sý tasqynyna baılanysty kóp mólsherde shyǵyn keldi, daqyldarǵa zııan keldi. Jergilikti turǵyndar kóp problemaǵa tap boldy, joldardy sý basqan, kópirlerdi sý shaıǵan. Múmkindiginshe jaǵdaıdy tezirek qalypqa keltirýge tyrysamyz», dedi Ýttarakhandtyń Bas mınıstri Pýshkar Sıngh Dhamı.
Shtat bıligi mektepterdiń jabylǵanyn habarlady jáne dinı, týrıstik qyzmetke tyıym saldy.
Úndistannyń meteorologııalyq basqarmasy qaýipti aýa-raıyn eskertip, qatty nóser bolýy múmkin ekenin habarlady.