Ulttyq statıstıka bıýrosy áleýmettik jelide taraǵan skrınshotqa qatysty pikir bildirdi, dep habarlaıdy Egemen.kz.
«Áleýmettik jelilerde adamdardan basqa azamattar úshin sanaq saýalnamasyn toltyrýdy suraıtyny týraly aqparat tarap jatyr. Ulttyq statıstıka bıýrosy tarapynan mundaı talap qoıylmaǵanyn resmı túrde málimdeımiz» deıdi ulttyq bıýronyń baspasóz qyzmeti.
Mundaı faktiler anyqtalǵan jaǵdaıda sanaq.gov.kz saıtynda kórsetilgen telefon nómirlerine habarlasý kerek. Azamattardyń jeke derekteriniń qupııalylyǵyna zańmen kepildik beriledi.
«El azamattarynyń kóptegen ótinishteri boıynsha bıýro tarapynan onlaın sanaqty qaıta qosý týraly sheshim qabyldandy. Ol halyq sanaǵynyń sońyna deıin qoljetimdi bolady. Elimizdiń barlyq turǵyndaryn mańyzdy is-sharaǵa belsendi qatysýǵa shaqyramyz» delingen bıýro taratqan málimette.