Nıgerııanyń Oıo shtatyndaǵy túrmege qarýly adamdar tobynyń shabýyly kezinde 800-ge jýyq tutqyn qashyp ketti. Túzeý mekemesiniń qyzmetkerleri 250-den astam adamdy ustap, túrmege qaıtardy. Al jasyrynyp úlgergen 575 adam qazirgi ýaqytta izdeýde, dep habarlaıdy Egemen.kz The Sun Nigeria basylymyna silteme jasap.
Túrmege shabýyl jasaǵandar atys qarýlaryn, granatalar men dınamıtterdi qoldandy. Olardyń kómegimen shabýyldaýshylar túrme qabyrǵasynyń bir bóligin jaryp jiberdi. Sodyrlardyń jeke tulǵalary áli anyqtalǵan joq.
Túrmeniń ishki bólmeleri, mekeme ókili atap ótkendeı, joıylǵan joq.
Oıodaǵy túrme 2007 jyly salynǵan. Ol 160 tutqynǵa arnalǵan, biraq shabýyl kezinde onyń ishinde 907 adam bolǵan. Olardyń 92%-y sot úkimin kútti, tek 64 adam ǵana óz merzimin ótep otyrǵan.