Aralas jekpe-jekten UFC tarıhyndaǵy alǵashqy qazaqstandyq jaýynger qyz Marııa Agapova (10-2) álemdegi áıgili promoýshenmen jumysyn jalǵastyrýǵa nıetti, dep habarlaıdy Egemen.kz.
Ol óziniń Instagram áleýmettik jelisindegi paraqshasynda «Jańa kelisimshartty kútip júrgen jaıym bar», degen jazba qaldyrdy.
Marııa Agapova UFC-de 2020 jyldyń maýsym aıynda debıýttik jekpe-jegine shyqqan bolatyn. Alǵashqy shaıqasynda ol birinshi raýndta amerıkalyq Hanna Saıfersti merziminen buryn jeńgen. Keıin Marııa taǵy bir amerıkalyq Sheına Dobsonǵa ese jiberdi.
Budan soń ol UFC-de ekinshi márte jeńiske jetti. Úshinshi raýndta qazaqstandyq sportshy kolýmbııalyq Sabın Mazony (9-3) nokdaýnǵa jiberdi, sodan keıin ony tunshyqtyryp, qarsylasyn óz erkimen berilýge májbúrledi.