О́zbekstan Ortalyq saılaý komıssııasy qazirgi Prezıdent Shavkat Mırzııoevtiń jeksenbide ótken saılaýda 90 paıyz daýys jınaǵany týraly aqparatty joqqa shyǵardy, dep habarlaıdy Egemen.kz.
Bul týraly Rıa Novostı málimdedi.
Buǵan deıin Euronews telearnasy Mırzııoev jeksenbide ótken Memleket basshysyn saılaýdyń aldyn ala qorytyndysy boıynsha 90 paıyz daýys jınap, qaıta saılanǵanyn habarlady.
«О́zbekstan prezıdenti saılaýynyń aldyn ala qorytyndylary belgili boldy degen aqparat tarap jatyr. Bul shyndyqqa janaspaıtynyn habarlaǵymyz keledi», dedi OSK baspasóz hatshysy Jalolıddın Ýsmanov.
Onyń aıtýynsha, saılaýdyń aldyn ala qorytyndylaryn OSK tóraǵasy Zaınıddın Nızamhodjaev dúısenbide saǵat 16.00-de (Nur-Sultan ýaqyty boıynsha 17.00-de) jarııalaıdy.
OSK málimetteri boıynsha, saılaý ýchaskeleri jabylǵan kezde 80,8 paıyz adam kelgen, ıaǵnı 16,037 mıllıon adam daýys bergen. Naqty málimetter boıynsha, saılaýda 19,86 mıllıon saılaýshynyń daýys berý quqyǵy bolǵan.
Elde resmı jumys isteıtin bes partııanyń barlyǵy - Ekologııalyq, «Mıllıı tıklanısh» «Ulttyq jańǵyrý», Lıberaldyq-demokratııalyq (ÝzLıDeP), Halyqtyq-demokratııalyq (NDPÝ) jáne «Adolat» (ádildik) partııalary óz kandıdattaryn tirkedi. Olardyń arasynda qazirgi prezıdent Shavkat Mırzıeıov te bar. Sarapshylardyń pikirinshe, ol - jeńiske basty úmitkerlerdiń biri.
О́zbekstanda prezıdent saılaýy bes jylda bir ret ótkiziledi. 2016 jyly 4 jeltoqsanda kezekten tys prezıdenttik saılaý ótti, saılaýda Premer-Mınıstr qyzmetin atqarǵan Mırzııoev jeńiske jetti. Eldi 1989 jyldan bastap basqarǵan Prezıdent Islam Karımov 2016 jyldyń 2 qyrkúıeginde 78 jasynda ınsýlttan qaıtys boldy.