Týrızm ındýstrııasy komıteti Qazaqstan Respýblıkasynyń týrıstik salasyn damytýdyń 2025 jylǵa deıingi tujyrymdamasynyń jobasyn ázirledi, dep habarlaıdy Egemen.kz.
Qujatty ázirleýshiler atap ótkendeı, Qazaqstan týrıstik destınasııa retinde óziniń qalyptasýynyń bastapqy kezeńinde tur.
Osylaısha, 2019 jyly elge 8,5 mln týrıst keldi, olardyń 90%-y TMD elderiniń azamattary. Olardyń elde ótkizgen ortasha ýaqyty 3 kúnnen aspady.
Shekaralardyń jabylýy qazaqstandyqtardy el ishinde demalýǵa ıtermeledi. Kópshiligi qalalarǵa jaqyn tabıǵı demalys oryndaryna, ulttyq parkter men kýrorttyq aımaqtarǵa bardy. Sondyqtan ishki týrıstik aǵymdar kelý jáne ketý aǵyndarymen salystyrǵanda birshama azaıdy.
Máselen, 2020 jyly ishki týrıster sany 4,5 mln adamdy qurady, bul 2019 jylǵy deńgeıden 32,8% - ǵa (6,7 mln adam) az, biraq syrtqa shyǵatyn týrıster sanynan 1,6 ese kóp. Ishki týrızmdi damytý eldegi týrıstik salany damytýdyń jańa trendine aınaldy.
Túrli saraptamalyq derekter boıynsha otandyq týroperatorlar men týragentter qyzmetiniń kiristiligi 50-60% - ǵa tómendedi. Ár túrli aımaqtarda jaǵdaı aımaqtyq faktorlardyń áserinen, qatań shekteý sharalarynyń bolýy nemese bolmaýy saldarynan jaqsy nemese nashar boldy.
«Bul kezeńde barynsha qolaıly jaǵdaı jasaý jáne otandastarymyzdyń sheteldik saparlaryn ishki naryqqa qaıta baǵdarlaý, sondaı-aq Qazaqstanda týrızmdi qaýipsiz jáne ekologııalyq ete otyryp, áleýmettik qashyqtyq praktıkasyn qoldaý múmkindigine ıe bola otyryp, sheteldik týrısterdi tartýǵa nazar aýdarý oryndy bolyp kórinedi», dep sanaıdy komıtette.